Sai Kashta Nivaaran Mantra

Kashto Ki Kaali Chhaaya Dukh Daayi Hai,
Jeevan Mein Ghor Udhaasi Laayi Hai,
Sankat Ko Taalo Sai Duhaai Hai,
Tere Sivaa Naa Koi Sahaayi Hai,
Mere Man Teri Murat Samaayi Hai,
Har Pal Har Skhan Mahimaa Gaayi Hai,
Ghar Mere Kashto Ki Aandhi Aayi Hai,
Aapne Kyu Meri Sudh Bhulaayi Hai,
Tum Bhole Naath Ho Dayaa Nidhaan Ho,
Tum Hanumaan Ho Mahaa Balwaan Ho,
Tumhi Ho Raam Aur Tumhi Shyaam Ho,
Saare Jagat Mein Tum Sabse Mahaan Ho,
Tumhi Mahaakali Tumhi Maa Shaarde,
Kartaa Hu Praarthanaa Bhave Se Taar De,
Tumhi Mohammad Ho Garib Navaaz Ho,
Naanak Ki Vaani Mein Isaa Ke Saath Ho,
Tumhi Digambar Tumhi Kabir Ho,
Ho Budha Tumhi Aur Mahaavir Ho,
Saare Jagat Ka Tumhi Aadhar Ho,
Niraakar Bhi Aur Saakar Ho,
Kartaa Hu Vandanaa Prem Vishwaas Se,
Suno Sai Allaah Ke Vaaste,
Adhro Mein Mere Nahi Muskaan Hai,
Ghar Meraa Banane Lagaa Smashaan Hai,
Rahem Nazar Karo Ujhade Viraan Pe,
Jindagi Savregi Ek Vardaan Se,
Paapo Ki Dhop Se Tan Lagaa Haarne,
Aapkaa Ye Daas Lagaa Pukaarne,
Aapne Sadaa Hi Laaj Bachaae Hai,
Der Naa Ho Jaaye Man Shankaaye Hai,
Dhire Dhire Dhiraj Hi Khotaa Hai,
Man Mein Basaa Vishwaas Hi Rotaa Hai,
Meri Kalpanaa Saakaar Kar Do,
Suni Jindagi Mein Rang Bhar Do,
Dhote-Dhote Paapo Kaa Bhaar Jindagi Se,
Main Haar Gayaa Jindagi Se,
Naath Avgun Ab To Bisaaro,
Kashto Ki Leher Se Aake Ubaaro,
Kartaa Hu Paap Main Paapo Ki Khaan Hu,
Gyaani Tum Gyneshwar Main Agyan Hu,
Kartaa Hu Pag-Pag Par Paapo Ki Bhool Main,
Taar Do Jeevan Ye Charon Ke Dhul Se,
Tumne Ujaadaa Huaa Ghar Basaayaa,
Paani Se Deepak Bhi Tumne Jalaayaa,
Tumne Hi Shirdi Ko Dhaam Banaayaa,
Chhote Gaon Mein Swarg Sajaayaa,
Kasht Paap Shraap Utaaro,
Pren Dayaa Drishti Se Nihaaro,
Aap Kaa Daas Hu Aise Naa Taaliye,
Girne Lagaa Hu Sai Sambhaaliye,
Saiji Baalak Main Anaath Hu,
Tere Bharose Rehtaa Din Raat Hu,
Jaisaa Bhi Hu, Hu To Aapkaa,
Kije Nivaaran Mere Santaap Kaa,
Tu Hai Saveraa Aur Main Raat Hu,
Mel Nahi Koi Phir Bhi Saath Hu,
Sai Mujse Mukh Naa Modo,
Bhich Majdhaar Akelaa Naa Chhodo,
Aapke Charno Mein Base Praan Jai,
Tere Vachan Mere Gurusamaan Hai,
Aapki Raaho Pe Chaltaa Daas Hai,
Khushi Nahi Koi Jeevan Udaas Hai,
Aansu Ki Dhaaraa Hai Dubataa Kinaaraa,
Jindagi Mein Dard, Nahi Gujaraa,
Lagaayaa Chaman To Phool Khilaao,
Phool Khile Hain To Khushbu Bhi Lao,
Kar Do Ishaaraa To Baat Ban Jaaye,
Jo Kismat Mein Nahi Wo Mil Jaaye,
Bitaa Zamaanaa Ye Gaake Fasaanaa,
Sarhade Jindagi Mout Kaa Taraanaa,
Der Ho Gayi Hai Andhere Naa Ho,
Fikr Mile Lekin Fareb Naa Ho,
Deke Talo Yaa Daaman Bachaa Lo,
Hilne Lagi Rahunayee Sambhaalo,
Tere Dam Pe Allah Ki Shaan Hai,
Sufi Santo Ke Ye Bayaan Hai,
Garib Ki Joli Mein Bhar Do Khazaanaa,
Zamaane Ke Waali Karo Naa Bahaanaa,
Dar Ke Bhikhaari Hain Mohtaaj Hai Hum,
Shahanshaahe Aalam Karo Kuch Karam,
Tere Khazaane Mein Allaah Ki Rehmat,
Tum Sadguru Ho Samarth,
Aaye To Dharti Pe Dene Sahaaraa,
Karne Lage Kyun Hum Se Kinaaraa,
Jab Tak Ye Brahmaand Rahegaa,
Sai Teraa Naam Rahegaa,
Chaand Taare Tumhe Pukaarenge,
Janmojanam Hum Raastaa Nihaarenge,
Aatmaa Badlegi Chole Hazaar,
Hum Milte Rahenge Har Baar,
Aapke Kadamo Mein Baithe Rahenge,
Dukhde Dil Ke Kehte Rahenge,
Aapke Marze Hai Do Yaa Naa Do,
Hum To Kahenge Daaman Bhi Bhar Do,
Tum Ho Daataa Hum Hai Bhikhaari,
Sunate Nahi Kyun Arag Hamaari,
Achhaa Chalo Ek Baat Bataa Do,
Kyaa Nahin Tumhaare Paas Bataa Do,
Jo Nahin Denaa Hai Inkaar Kar Do,
Khatm Ye Aapas Ki Takraar Kar Do,
Laut Ke Khaali Chalaa Jaaunga,
Phir Bhi Gun Tere Gaaunga,
Jabtak Kaayaa Hai Tabtak Maayaa Hain,
Isi Mein Dukhon Kaa Mul Samaaya Hain,
Sab Kuch Jaan Ke Anjaan Hu Main,
Allaah Ki Tu Shaan Teri Hu Shaan Main,
Tera Karam Sadaa Sabpe Rahegaa,
Ye Chakra Yug-Yug Chaltaa Rahegaa,
Jo Prani Gaayega Sai Tero Naam,
Usko Mile Mukhti Pohchhe Param Dhaam,
Ye Mantra Jo Prani Nit Gaayenge,
Raahu, Ketu, Shani Nikat Naa Aayenge,
Tal Jaayenge Sankat Saare,
Ghar Mein Daas Vaas Kare Sukh Saare,
Jo Shraddhaa Se Karegaa Pathan,
Us Par Dev Sabhi Ho Prasann,
Rog Samuhh Nasht Ho Jaayenge,
Kasht Nivaaran Mantra Jo Gaayenge,
Pal Mein Dur Ho Sab Paap,
Jo Ye Pustak Nit Din Baache,
Laxmiji Ghar Uske Sadaa Biraaje,
Gyaan Buddhi Praani Vo Paayega,
Kasht Nivaaran Mein Jo Dhyaayega,
Ye Mantra Bhakto Kamaal Karega,
Aaye Jo Anhoni To Taal Dega,
Bhoot-Pret Bhi Rahenge Door,
Is Mantra Mein Sai Sakti Bharpur,
Japte Rahe Jo Mantra Agar,
Jadu Tonaa Bhi Ho Beasar,
Is Mantra Mein Sab Gun Samaaye,
Naa Ho Bharosaa To Aajmaaye,
Ye Mantra Sai Bachan Hi Jaano,
Swayam Amal Kar Satya Pahchhaano,
Sanshay Naa Laanaa Vishwaas Jagaana,
Ye Mantra Sukho Kaa Hai Khazaana,
Is Pustak Mein Sai Kaa Vaas,
Sai Dayaa Se Hi Likh Paayaa Daas

Anant Koti Brahmand Nayak
Raja Dhi Raj Yogi Raj
Para Brahma
Shri Sachidanand Sadguru
Sai Nath Maharaj Ki Jai!!!